Thursday 20 July 2023
Wednesday 19 July 2023
"ಪ್ರೇಮ್" ಎಂಬ ಕನಸುಗಾರನ "ಪರಂವಾ" ಎಂಬ ಕನಸು!!
ಕನ್ನಡದ ಸಿನಿಮಾ ಜಗತ್ತಿನಲ್ಲಿ ಬೆನ್ನಿಗೆ ಯಾರೂ ಇಲ್ಲದೆ, ಕೈಲಿ ದುಡ್ಡಿನ ಥೈಲಿಯಿರದೆ, ಬೆಳೆಯೋದು ತುಂಬಾ ಕಷ್ಟಕರ. ಅದರಲ್ಲೂ ಬಯಲು ಸೀಮೆಯ, ಗ್ರಾಮೀಣ ಯುವಕನೊಬ್ಬನು ಬೆಳೆಯುತ್ತಿದ್ದಾನೆ ಎಂಬುದೇ ಕಾಲದ ಬೆರಗು!
ಕೂಡ್ಲಿಗಿಯ ಗುಡೇಕೋಟೆಗೆ ಕೂಗಳತೆ ದೂರದಲ್ಲಿರುವ "ಸಿಡೇಗಲ್" ಎಂಬ ಪುಟ್ಟ ಹಳ್ಳಿಯ "ಪ್ರೇಮ್"-ಎಂಬ ಹುಡುಗ ಕಂಡಿದ್ದು ಸಿನಿಮಾ ಕನಸನ್ನು! ಕೃಷಿಯಲ್ಲಿ ಬಿಟೆಕ್ ಮಾಡಿ,ಕೈಲಿದ್ದ ಒಳ್ಳೆಯ ಕೆಲಸ ಬಿಟ್ಟು ಸಿನಿಮಾ ಹಿಂದೆ ಹೊರಟ!
ಸಾಣೇಹಳ್ಳಿಯ 'ಶಿವಸಂಚಾರ'ದಂತಹ ರಂಗಭೂಮಿಯ ತಂಡಗಳಲ್ಲಿ ನಟನೆಯನ್ನು ಕರಗತ ಮಾಡಿಕೊಂಡು, ಕೆಲವಾರು ಸಿನಿಮಾಗಳಲ್ಲಿ ಸಹ ನಿರ್ದೇಶಕನಾಗಿ, ತಂತ್ರಜ್ಞತೆಯನ್ನೂ ಪಳಗಿಸಿಕೊಂಡು ಇದೀಗ " ಪರಂವಾ" ಎಂಬ ಸಿನಿಮಾದಲ್ಲಿ ಪೂರ್ಣಪ್ರಮಾಣದ ನಾಯಕನಾಗಿ ತೆರೆಗೆ ಬರಲು ಸಿದ್ಧನಾಗಿದ್ದಾನೆ.
ಸುಮಾರು ಎರಡು ವರ್ಷಗಳ ಹಿಂದೆಯೇ ಈ ಸಿನಿಮಾ ಬರಬೇಕಿತ್ತು. ಜನಗಳ ಹಣದಿಂದ (ಕ್ರೌಡ್ ಫಂಡಿಂಗ್) ಸಿನಿಮಾ ಬೆಳೆಯಬೇಕಿತ್ತಲ್ಲವೇ! ಹಾಗಾಗಿ ಚೂರು ತಡವಾಗಿದೆ.
ಪ್ರೇಮ್ ನನ್ನು ನೋಡಿದಾಗ, ತುಂಬಾ ಪ್ರತಿಭಾವಂತ ಅನಿಸುತ್ತದೆ. ಅವನ ಜೊತೆಗೆ ಸಂತೋಷ್ ಕೈದಾಳೆ ಎಂಬ ಮತ್ತೊಬ್ಬ ಕನಸುಗಾರ ಶ್ರಮಿಕನೂ ಸೇರಿ ಈ "ಪರಂವಾ" ಸಿದ್ಧಗೊಂಡಿದೆ.
ಉತ್ತರಕರ್ನಾಟಕ ಭಾಗದ ಗಂಡುಕಲೆಯಾದ "ವೀರಗಾಸೆ" ಈ ಸಿನಿಮಾದಲ್ಲಿ ಢಾಳಾಗಿ ಮೈದಳೆದಿದೆ. ಟೀಸರ್ ನೋಡಿದಾಗ ಇದು ಗೊತ್ತಾಗುತ್ತದೆ. ವೀರಗಾಸೆ ಕಲಾವಿದನೊಬ್ಬನ ಬದುಕನ್ನು ತೆರೆದಿಡುವ ಪ್ರಯತ್ನ ಇಲ್ಲಿದೆ. ಭಾವತೀವ್ರತೆಯೇ ಸಿನಿಮಾದ ಹೂರಣ! ಅನಗತ್ಯ ಕಮರ್ಷಿಯಲ್ ಎಲಿಮೆಂಟುಗಳಿಗಿಂತ ಕಂಟೆಂಟು ಆಧಾರಿತ ಸಿನಿಮಾ ಇದು..ಅನಿಸುತ್ತದೆ.
ಸಿನಿಮಾದ ಹಾಡುಗಳು ಕೇಳಲು ಹಿತವಾಗಿವೆ.ಸಾಹಿತ್ಯವೂ ಚಂದವಿದೆ.
ಹೊಸ ಹುಡುಗರ ಸಿನಿಮಾ..ಹೊಸ ಅನುಭವ ನೀಡಬಲ್ಲದು!
ಇದೇ ಜುಲೈ 21 ಕ್ಕೆ ಬಿಡುಗಡೆಯಾಗಿ, ನಿಮ್ಮ ಕಣ್ಣೆದುರು ಬರಲಿದೆ.
ದಯವಿಟ್ಟು ಈ ಸಿನಿಮಾ ನೋಡೋಣ... ನಮ್ಮ ಹುಡುಗರ ಸಿನಿಮಾ ನಾವು ನೋಡದೆ, ಇನ್ಯಾರು ಶ್ರೀಲಂಕಾದವರೋ ಮಲೇಷ್ಯಾದವರೋ ನೋಡೋಕಾಗತ್ತಾ!!!
ಸಿನಿಮಾದ ಟೀಸರ್ ಇಲ್ಲಿದೆ. https://youtu.be/SEKzT7vtImE
ಸಿನಿಮಾದ ಒಂದು ಚಂದದ ಹಾಡು .. https://youtu.be/
ನಾನೂ ಸಿನಿಮಾ ನೋಡತೇನೆ...ಇಲ್ಲೇ ಅದರ ಚಿತ್ರವಿಮರ್ಶೆಯನ್ನೂ ಬರೆತೇನೆ.
Thursday 6 July 2023
ಜನ-ಜಾಣತನ
"ಅಣ್ಣಾ ಜಗಳೂರು ಬಸ್ ಹೋಯ್ತಾ?"-ಯಾರೋ ಕೇಳತಾರೆ. ಕೇಳಿಸಿಕೊಂಡ ಅಂಗಡಿಯವ, ಗೊತ್ತಿದ್ದರೂ ಹೇಳಲ್ಲ.ನಾನ್ಯಾಕೆ ಪುಕ್ಸಟ್ಟೆ ಹೇಳಲಿ ಎಂಬ ಸಣ್ಣತನ. ಅವನ ಅಂಗಡಿಯಲ...
-
ಸಣ್ಣವನಿದ್ದಾಗ ನನ್ನೂರಿಗೊಬ್ಬ 'ಕಲಾಯಿಸಾಬಿ' ಬರುತ್ತಿದ್ದ. ಒಮ್ಮೆ ಬಂದರೆ ವರ್ಷಗಟ್ಟಲೆ 'ಪೀರಲಸ್ವಾಮಿ'ಗುಡಿಯಲ್ಲೇ ಉಳಿಯುತ್ತಿತ್ತು ಅವನ ಕುಟುಂಬ. ಅವ...
-
ಬ ದಲಾವಣೆ..ಕಾಲದ ಗುಣ! ಪ್ರತೀಕ್ಷಣವೂ ನಮ್ಮ ದೇಹವು ಬದಲಾದಂತೆ,ಮಾಗಿದಂತೆ ನಮ್ಮ ದೇಶವೂ ಬದಲಾಗುತ್ತಿರುತ್ತದೆ..ಮಾಗುತ್ತಿರುತ್ತದೆ. ಬದಲಾವಣೆಗೆ ಸಮಾಜವೊಂದು ಒಡ್ಡಿಕೊಂಡ ...
-
ಉತ್ತರಕರ್ನಾಟಕದ ಹಳ್ಳಿಗಳಲ್ಲಿ ಆಚರಿಸಲ್ಪಡುವ ಹಬ್ಬಗಳ ಸೊಬಗೇ ವಿಸ್ಮಯಗೊಳಿಸುವಂಥದು! ಇಲ್ಲಿನ ಎಲ್ಲ ಬದುಕುಗಳ ಪ್ರತೀ ಕದಲಿಕೆಯೂ ಮಣ್ಣಿನ ಜೊತೆಗೊಂದು ಸಂಕೀರ್ಣವಾದ ಬಂಧ...