ಹೆಜ್ಜೆ ಮೂಡದ ಹಾದಿ: "ಹೆಜ್ಜೆ ಮೂಡದ ಹಾದಿ"

Friday 7 June 2019

"ಹೆಜ್ಜೆ ಮೂಡದ ಹಾದಿ"

ಹಾದಿಯ ಹಂಗಿಲ್ಲ.....ಹಾಡಿನದ್ದೇ ಗುಂಗು!!

ಸಾವಿನೆಡೆ ನಿರ್ಲಿಪ್ತ....ಬದುಕು ಸಂತೃಪ್ತ

ಅಪ್ಪನಿಲ್ಲ , ಮಗನಿಲ್ಲ...ಭಾರವಿಲ್ಲದ ಹೆಗಲು

ಗಮ್ಯವಿಲ್ಲ ,ಗಾಬರಿಯಿಲ್ಲ...ಸರಾಗ ನನ್ನ ಹಗಲು

ಕಾಡಲಿಕ್ಕೆ ಒಂದಷ್ಟು ಕನಸುಗಳಿವೆ!

ಅಲ್ಲಿ ಯಾರದ್ದೋ ಎದೆಯಲ್ಲಿ ಬಿಟ್ಟ ನೆನಪುಗಳಿವೆ!

ಜಗತ್ತಿನ ಸಂಭವ-ಅಸಂಭವಗಳು ಏನಾದರೂ ಆಗಲಿ!

ಆರ್ತ ಜೀವಗಳಿಗೆ ಮರುಗುವ ಮನಸು ನನಗಿರಲಿ!

ಕಾಲ-ಕಾಲು ಕರೆದಲ್ಲಿ ಸಾಗುತ್ತೇನೆ;

ಅದೇ ನನಗೆ ನಿತ್ಯ ಯುಗಾದಿ!

ತೇಕು ಬಂದೆಡೆಯಲ್ಲಿ ನಿಲ್ಲಿಸುತ್ತೇನೆ

ನನ್ನ "ಹೆಜ್ಜೆ ಮೂಡದ ಹಾದಿ"!!

No comments:

Post a Comment

ಹೆಜ್ಜೆ ಮೂಡದ ಹಾದಿ

ಬದುಕಿದ ಇಷ್ಟೂ ವರ್ಷಗಳಲ್ಲಿ ನಾನು ನಡೆದು ಬಂದ ಹಾದಿಯಲ್ಲಿ ನನ್ನವು ಎಂಬ ಯಾವ ಹೆಜ್ಜೆ ಗುರುತುಗಳನ್ನು ಉಳಸಿಬಂದವನಲ್ಲ ನಾನು! ಇಷ್ಟಕ್ಕೂ ಹೆಜ್ಜೆಗುರುತು ಮೂಡಿಸುವ ಯಾವ ದರ್ದೂ ನನಗಿರಲಿಲ್ಲ.

ಪ್ರಾಣಿಗಳು ಮಾತ್ರವೇ ತಮ್ಮ ದಾರಿ,ವಾಸಕ್ಷೇತ್ರಗಳ ಗುರುತಿಸುವಿಕೆಗೆ ಮಲ-ಮೂತ್ರಗಳಿಂದಲೋ ಅಥವಾ ಬೇರೆ ಇನ್ಯಾವುದಾದರೊಂದರಿಂದಲೋ ಹೆಜ್ಜೆ ಮೂಡಿಸುತ್ತವೆ.ಮತ್ತೆ ಆ ಗುರುತುಗಳನ್ನು ಮೂಸುತ್ತಾ ತಮ್ಮ ಮೂಲನೆಲೆ ಕಂಡುಹಿಡಿಯುತ್ತವೆ ಎಂದು ಎಲ್ಲೋ ಕೇಳಿದ್ದೆ.ನನ್ನ ಮೂಲ ನೆಲೆ ಕಂಡುಕೊಳ್ಳಬೇಕೆಂಬ ಯಾವ ಕುತೂಹಲ ನನಗೆಂದೂ ಮೂಡಲಿಲ್ಲ....

ಈ ಶೀರ್ಷಿಕೆ ಅಯ್ದುಕೊಂಡದ್ದಕ್ಕೆ ನನ್ನ ಜೀವನವೇ ಮೊದಲ ಕಾರಣ ಹಾಗೂ ಎರಡನೆಯದು ಅದರ ನಿರರ್ಥಕತೆ ಇರಬಹುದು.

Friday 7 June 2019