ಹೋಯ್ ಕತ್ತಲೇ...
ನಿನಗೆ ಮಾತು ಬರದೇ ಇದ್ದದ್ದೇ
ಒಳ್ಳೇದಾಯಿತು ನೋಡು!
ನನ್ನ ನಿದ್ದೆಯಿಲ್ಲದ ರಾತ್ರಿಗಳಲ್ಲೆಲ್ಲಾ
ನನ್ನ ನೋವುಗಳ ಬಗ್ಗೆ ಚರ್ಚೆಯಾಗದು!
ಅದಿರಲಿ...
ರಾತ್ರಿಯ ಪಿಸುಮಾತುಗಳಿಗೆ,
ಎದೆ ಹಿಂಡುವ ನರಳಿಕೆಗಳಿಗೆ
ಅಪ್ಪಿತಪ್ಪಿಯೂ ಕಿವಿಗೊಡಬೇಡ.
ಅವುಗಳ ಹಿಂದೆಲ್ಲಾ ದೊಡ್ಡ ಕಥೆಗಳಿವೆ!
ಸಾಧ್ಯವಾದರೆ,ಯಾವಾಗಲೋ ಒಮ್ಮೆ
ಜೊತೆಯಾಗುವ ಕನಸುಗಳಿಗೆ
ತಣ್ಣನೆಯ ಗಾಳಿಯ ಬೀಸಲು ಬಿಡು.
ಸದ್ದಿಲ್ಲದೆ, ನಗುವ ಚುಕ್ಕಿಗಳನ್ನು ಎಣಿಸು.
ಮತ್ತು...
ಕತ್ತಲ ಸರಿಸಲೆತ್ನಿಸಿ ಸೋತಿರುವ
ಚಂದಿರನ ಕಪಾಳಕ್ಕೊಮ್ಮೆ ಬಾರಿಸು!
.jpeg)
No comments:
Post a Comment