ಹೆಣಗಳು - ಕನಸುಗಳು!

 ಈ ರಾತ್ರಿಯಾದರೆ ಸಾಕು ;

ಖಾಲಿಯಾಗಿಬಿಡುತ್ತದೆ ಸ್ಮಶಾನ!

ಹೆಣಗಳಿಗೆಲ್ಲ ಜೀವ ಬಂದು,

ಕವಿತೆಗಳಾಗಿ ಹಾರಾಡತೊಡಗುತ್ತವೆ!

ಮಲಗಿದವರ ನಿದಿರೆಯ ಕನಸುಗಳಾಗಿ,

ಜೊಂಪಿನಲ್ಲಿಯೇ ಕನವರಿಕೆಗಳಾಗಿ

ನಗು-ಅಳುಗಳ ಮೂಲಕ 

ಜೀವಧಾತುಗಳಾಗಿ ರಾತ್ರಿಯನ್ನು

ತೇಲಾಡಿಸಿಬಿಡುತ್ತವೆ - ಮುಳುಗಿಸುತ್ತವೆ!

ನಾನೂ ಕರೆಯುತ್ತೇನೆ, ಆವಾಗವಾಗ ;

ಒಂದಷ್ಟು ಹೆಣಗಳನ್ನು , 

ನಿದ್ದೆ ಬರದ ಹೊತ್ತಲ್ಲಿ , ಟೈಂಪಾಸಿಗೆ!

ಅವುಗಳ ಕಥೆ ಕೇಳಿ, ನಗುತ್ತೇನೆ- ಅಳುತ್ತೇನೆ!

ಕೊನೆಗೆ ಇಂಥದೊಂದು ಕವಿತೆ ಬರೆಯುತ್ತೇನೆ!