ಹುಚ್ಚುಖೋಡಿ ಮನಸು-೭

ನಿನ್ನ ಭವಿಷ್ಯದ ಹಾದಿಯುದ್ದಕ್ಕೂ
ನನ್ನ ಆಯಸ್ಸನ್ನು ಹಾಸಿಬಿಡುತ್ತೇನೆ..
ನಿನ್ನ ಒಂದೊಂದು ಕಂಬನಿಗೂ
ನನ್ನ ಎದೆ ಬಟ್ಟಲನ್ನೇ ಇಡುತ್ತೇನೆ..
ನನ್ನದೆಯ ಕದದ ಕೀ ನಿನ್ನದೇ
ನನ್ನ ಮನದ ಬಯಲೂ ನಿನ್ನದೇ
ನನ್ನ ಬದುಕಿನ ಹೊಲದ ತುಂಬೆಲ್ಲಾ
ನಿನ್ನ ಕನಸಿನ ಬೀಜಗಳನ್ನೇ ಬಿತ್ತುತ್ತೇನೆ..
ಬೆಳೆಯೋಣ ಬಾ ಒಲವೇ..
ತುಂಬು ಜೀವನದ ಹುಲುಸು ಫಸಲು!!!
ನಿನ್ನ ಮಡಿಲ ತುಂಬ ಅದೇ ಹೊಲದ
ಕಾಳುಕಡಿಗಳ ಉಡಿಯಕ್ಕಿ..
ನಿನ್ನ ಬದುಕ ತುಂಬ ಬರೀ ಗೆಲುವಿನ
ನಗೆ ಹರಿಯಲಿ ತೆರೆಯುಕ್ಕಿ..
ಸೋಲು?...ಸಾವಿಗಿರಲಿ ಬಿಡು!
ಬದುಕಾಗಲಿ ಬಿಡು ಚಂದದ ಒಲವ ಕನಸು!
ಏನಂದೀತು? ನಿನ್ನ ಹುಚ್ಚುಖೋಡಿ ಮನಸು??