ನೀವೆಲ್ಲರೂ ಆ "ಚಾರ್ಲಿ ಚಾಪ್ಲಿನ್" ನ ಸಿನಿಮಾಗಳ ಹಾಸ್ಯ ನೋಡಿ ಬಿದ್ದು ನಕ್ಕಿರುತ್ತೀರೇನೋ! ಆದರೆ, ನನಗೆ ಅವನ ಬಹುತೇಕ ಸಿನಿಮಾಗಳ ಹಾಸ್ಯದಲ್ಲೆಲ್ಲಾ ಹಸಿವಿನ ಭೂಗರ್ಭವೇ ಕಂಡಿದೆ. ತುಂಡು ಬ್ರೆಡ್ಡಿಗಾಗಿನ ಹಪಹಪಿ, ತೊಟ್ಟ ಬೂಟನ್ನೇ ಕಳಚಿ ಬೇಯಿಸಿ ತಿನ್ನುವ ಭೀಕರತೆ,ಎದುರು ಕುಳಿತ ಗೆಳೆಯನನ್ನೇ ಕಚ್ಚಿ ತಿಂದುಬಿಡುವಂಥ ರಕ್ಕಸತನದ Metaphor ಗಳ ಮೂಲಕ ಅವನ ಬದುಕು ಅನುಭವಿಸಿದ ಹಸಿವು ತೋರಿಸುತ್ತಾ ಹೋಗುತ್ತಿದ್ದಾನೇನೋ ಅನ್ನಿಸಿದೆ.
The Gold rush,Modern Days,The Kid,The Tramp,The Circus...ಹೀಗೇ ಎಲ್ಲಾ ಸಿನಿಮಾಗಳಲ್ಲೂ ಬಡತನ,ತೇಪೆ ಹಾಕಿದ ಹಳೆ ಕೋಟು,ಕಳಚಿ ಬೀಳುವ ಹಳೇ ಪ್ಯಾಂಟು,ಹರಕಲಾದ ಬೂಟು ಮತ್ತು ಅಪಾರವಾದ "ಹಸಿವು", ಸಿರಿವಂತರ ಟೊಳ್ಳುತನದ ನಾಗರೀಕತೆ,ಸ್ವಾರ್ಥಿಗಳ ಆಧ್ಯಾತ್ಮ-ಚರ್ಚು,ತಳವರ್ಗದ ಬದುಕುಗಳ ಎಂದಿಗೂ ಮುಗಿಯದ ತಲ್ಲಣಗಳೇ!
ಇಷ್ಟಕ್ಕೂ ಅವನು ಹುಟ್ಟಿದ್ದು-ಬೆಳೆದದ್ದಾದರೂ ಅಂಥದ್ದೇ ತಲ್ಲಣಗಳ ಮಧ್ಯೆಯೇ ಅಲ್ಲವಾ! ಹಸಿದ ಹೊಟ್ಟೆಯಲ್ಲೇ ಹೊಟ್ಟೆ ತುಂಬಿದವರನ್ನು ಹೊಟ್ಟೆ ಹುಣ್ಣಾಗುವಂತೆ ನಗಿಸಿಬಿಟ್ಟ ಆ ಚಾರ್ಲೀ!
No comments:
Post a Comment