ಪ್ರೇಮಿಸುವುದೆಂದರೆ....

ಪ್ರೇಮಿಸುವುದೆಂದರೆ,

ಸಾವಿರ ಸ್ಥಾವರಗಳನ್ನು ನುಂಗಿ

ಒಂದೇ ಜಂಗಮವಾಗುವ ಬೆರಗು

ದ್ವೈತದ ದಿಗಂತದಾಚೆಗೆ

ಅದ್ವೈತವಾಗುವ ಆತ್ಮಸಂಗಾತದ ಸೊಬಗು

ನಾನು - ನೀನು ಎಂಬುವುದ 

ಕಳಚಿಕೊಳ್ಳುವ ವಿರತ-ಸುರತ ನಿಸ್ಸಂಗತ್ವ! 

'ಕೊಟ್ಟೆನೆಂಬ' ಅಹಂಕಾರ, ನೀಡಿದವರಿಗಿಲ್ಲದ,

'ಬೇಡಿದೆನೆಂಬ' ದೈನ್ಯ , ಪಡೆದವರಿಗಿಲ್ಲದ,

ಅತೀ ಸುಂದರವಾದ ನಿಸರ್ಗ ವ್ಯವಹಾರವನ್ನು 

ಈ ಜಗತ್ತು "ಪ್ರೇಮ" ವೆಂದು ಕರೆಯುತ್ತದೆ.

ನೀನು ಏನೆಂದು ಕರೆದರೂ...

ನಾನು ಏನೆಂದು ಕರೆದರೂ ಕೂಡ!