ಧಾರೆ - ೦೧

 ಹನಿ - ೧

ಹುಟ್ಟು ಯಾವುದಾದರೇನು?

ಪಕ್ಷಿಯದಿರಲಿ..ಪಶುವಿನದಿರಲಿ,

ಜನುಮಕ್ಕಂಟಿದ ಒಲವಿದ್ದರೆ ಸಾಕು!

ಮೂರು ಕ್ಷಣದ ಸ್ವರ್ಗ, ನೂರು ಕ್ಷಣವಾಗುತ್ತದೆ.

ನೂರು ಕ್ಷಣದ ನರಕ, ಮೂರು ಕ್ಷಣವಾಗುತ್ತದೆ.

++++++++++++++++++++++

ಹನಿ - ೨

ನಿನ್ನ ಊರಲ್ಲಿ ನಾನೊಬ್ಬ ಅಪರಿಚಿತ..

ನಿನ್ನ ಜನರ ಮಾತುಗಳು ನನಗೆ ಅರ್ಥವಾಗದು,

ನನ್ನ ಮೌನ, ಅವರಿಗೂ ಅರ್ಥವಾಗದು!

ಹಸಿವು ಮತ್ತು ಪ್ರೀತಿಗೆ ಭಾಷೆಯ ದರ್ದಿಲ್ಲವೆಂದು

ನೀನೊಮ್ಮೆ ಅವರೆಲ್ಲರಿಗೂ ತಿಳಿಸಿ ಹೇಳಿಬಿಡು!

++++++++++++++++

ಹನಿ - ೩

You See...

ಈ ಅಂತ್ಯಕ್ರಿಯೆ,ಸಮಾಧಿ,ತಿಥಿ...

ಇವೆಲ್ಲವೂ Meaningless ಕಣಾ!

ನಿನ್ನನ್ನು ನೆನಸಿಕೊಳ್ಳುವ ಒಂದು ಜೀವವೂ

ಈ ಭೂಮಿಯ ಮೇಲೆ

ನಿನ್ನ ಪಾಲಿಗೆ ಉಳಿದಿಲ್ಲದ ಕ್ಷಣವೇ

ನೀನಾಗಲೇ ಸತ್ತು ಬಿಟ್ಟೆ!

++++++++++++++++++++++

ಹನಿ - ೪

After all ಬರೀ 'ಸೊನ್ನೆ' ನೀನು!

ಯಾವುದಾದರೂ ಅಂಕಿಯ ಜೊತೆ 

ತಗಲು ಹಾಕಿಕೊಂಡರೆ ಮಾತ್ರವೇ ನಿನಗೆ ಬೆಲೆ!

ನಿನ್ನ ಅಹಂಕಾರಕ್ಕೆ ನಗದೇ ಏನು ಮಾಡಲಿ?

++++++++++++++++++++++++