ಬಾ..ಅವರೊಂದಿಗೆ ಅದೇನು ಮಾತು ನಿನ್ನದು?
ಒಮ್ಮೆ ಈ ಭೂಮಿಯಿಂದ ಕಳೆದುಹೋಗಿ ಬಿಡುವ!
ಮೌನವನ್ನೇ ಹಾಸಿಹೊದ್ದು ತಣ್ಣಗೆ ಮಲಗಿಬಿಡುವ!
ಕಾಲವನ್ನು ಕಾಲಬಳಿ ಸ್ವಲ್ಪಕಾಲ ಮಲಗಿಸಿಕೊಳ್ಳುವ!
ಸಾವಿನ ಭಯವನ್ನು ಮೀರಿ,ಇಬ್ಬರೇ ಬದುಕಿಬಿಡುವ!
ಬಾ..ಇಲ್ಲಿ ಅದೆಂಥಾ ವ್ಯವಹಾರ ನಿನ್ನದು?
ಆಗಸದೆಡೆ ಒಮ್ಮೆಗೇ ಇಬ್ಬರೂ ನೆಗೆದುಬಿಡುವ!
ಹಕ್ಕಿಗಳ ಜೊತೆಗೊಮ್ಮೆ ಕೈಹಿಡಿದು ನಕ್ಕುಬಿಡುವ!
ರಾತ್ರಿ ಆಗಸದಲ್ಲಿ ಮಿನುಗುವ ಚುಕ್ಕಿಗಳಾಗಿಬಿಡುವ!
ನಮ್ಮ ಕನಸುಗಳನ್ನು ಹುಡುಕಿ ಕೊಂದುಬಿಡುವ!
.jpeg)
No comments:
Post a Comment