ನಾನು ಇಲ್ಲಿಯವರೆಗೂ ಬದುಕಿರುವುದೇ
ದೊಡ್ಡ ಪಾಪವಾಗಿ ಕಾಣಬಹುದೇನೋ ನಿನಗೆ!
ಆದರೂ..ಬದುಕುವ ಹುಚ್ಚು ಹಠ,ಯಾಕೆ ಗೊತ್ತಾ?
ನೀನು ಕೊಂದ ನನ್ನ ನಿನ್ನೆಗಳನ್ನು
ನನ್ನಿಂದ ಬದುಕಿಸಿಕೊಳ್ಳಲಾಗದಿದ್ದರೂ,
ನಿನ್ನ ನೆನಪ ಕತ್ತಲಿನ ಸೆರಗಿನೊಳಗೆ
ನನ್ನ ನಾಳೆಗಳನ್ನು ಉಸಿರುಗಟ್ಟಿಸಿ ಸಾಯಗೊಡಲಾರೆ!
ಅಯ್ಯೋ..ಹೋಗಲಿ ಬಿಡು!
ನೀನು ಕಿತ್ತುಕೊಂಡ ನನ್ನ ರಾತ್ರಿಗಳು ನಿನ್ನಲ್ಲೇ ಇರಲಿ,
ಕೊನೇಪಕ್ಷ ಸಂಜೆಗಳನ್ನಾದರೂ ಇಂದು ಮರುಳಿಸು!
No comments:
Post a Comment