ಸೆರಗು ಕಚ್ಚಿ
ಅಳುವ ಮುಚ್ಚಿಡುವ
ಅವಳ ಆ ಯತ್ನವನ್ನು
ಈ ಜಗತ್ತು...
"ಮಾತು"-ಎಂದು ಕರೆಯುತ್ತದೆ!
ಕಂಬನಿಯ ನದಿಗೆ
ನಿಟ್ಟುಸಿರಿನುಪ್ಪು ಕರಗಿಸಿದ
ಅವಳನ್ನು "ಮೌನಿ" ಎನ್ನುತ್ತದೆ!
ಅತ್ತವಳನ್ನು "ಹುಚ್ಚಿ" ಎನ್ನುತ್ತದೆ!
ನಕ್ಕವಳನ್ನು "ವೇಶ್ಯೆ" ಎನ್ನುತ್ತದೆ!
ಕಳೆದುಕೊಂಡವಳನ್ನು "ಹೆಣ" ಎನ್ನುತ್ತದೆ!
ಆರಡಿಯ ಗುಂಡಿಗೆ ತಳ್ಳುತ್ತದೆ ಜಗತ್ತು..
ಮಣ್ಣು ಮುಚ್ಚಿ , "ಭೂಮಿ"ಎನ್ನುತ್ತದೆ!
ಹೊಟ್ಟೆಯೊಳಗಿನ ಕೂಸು ಮಾತ್ರವೇ
ಅವಳನ್ನು "ಅಮ್ಮ" ಎಂದು ತಬ್ಬುತ್ತದೆ!
No comments:
Post a Comment