OK ,ನೀನು ಸುಮ್ಮನಿರು..
ನಾನೂ ಸುಮ್ಮನಿರುತ್ತೇನೆ.
ಯಾವ ಕವಿತೆಯನ್ನೂ ಬರೆಯುವುದಿಲ್ಲ.
ನೀನೂ ಅಷ್ಟೇ..ಬರೆಯಕೂಡದು!
ಮೌನವೂ ಮೌನವಾಗಿ
ಬದುಕಿನೊಂದಿಗೆ ಮಾತಾಡಲಿ!
ನೆನಪುಗಳೆಲ್ಲವೂ ಕನಸುಗಳೊಂದಿಗೆ
ಸಾಕಾಗುವ ತನಕ ಹೊಡೆದಾಡಿಕೊಳ್ಳಲಿ!
ನನ್ನ ಅಕ್ಷರಗಳೆಲ್ಲವನ್ನೂ ಅಲ್ಲಿಯವರೆಗೆ
ಚುಕ್ಕು ತಟ್ಟಿ ಮಲಗಿಸುತ್ತೇನೆ.
ಏನಾದರೂ ಹೇಳಲೇಬೇಕೆಂದಿದ್ದರೆ,
ಆ ಹುಣಸೇಮರದ ಕುಂಟಗುಬ್ಬಿಗೆ ಹೇಳಿರು!
ಹಾಗೆನೇ..ರಾತ್ರಿಯ ಮುಗಿಲನೊಮ್ಮೆ ನೋಡಿಕೋ..
ನಾನೂ ಕೂಡ,ತಂಗಾಳಿಯನೊಮ್ಮೆ ಮಾತಾಡಿಸುವೆ!
No comments:
Post a Comment